directamain tar il cuntegn

Nua e cura votar?

Tut las persunas cun dretg da votar pon votar per correspundenza u directamain a l'urna. In pèr chantuns porschan ultra da quai la votaziun electronica – en spezial per las Svizras ed ils Svizzers a l'exteriur.

Il pli tard 3 emnas avant il termin da votaziun survegnis Vus il material da votar en Vossa chascha da brevs. En il material da votar chattais Vus las explicaziuns dal Cussegl federal davart ils projects federals da votaziun.

Material da votar
Co vegn il cedel da votar emplenì en moda correcta?

Nua e cura votar?

I dat trais pussaivladads da votar.

  • Directamain a l'urna en il local da votaziun da Vossa vischnanca: Prendai cun Vus il material da votar ed observai l'instrucziun agiuntada. Ussa stuais Vus mo anc metter il cedel da votar emplenì en l'urna. En tscherts chantuns al stuais Vus metter avant en la cuverta da votar. As infurmai ordavant tar Vossa vischnanca, nua ch'il local da votaziun sa chatta e cura ch'el è avert. Resguardai ils dis che la vischnanca ha fixà per quai.
  • Votaziun per correspundenza: Duvrai il material da votar che la vischnanca As ha distribuì e suandai l'instrucziun correspundenta. Observai ils termins da consegna da la posta. Resguardai che Vus stuais francar sez la cuverta en tscherts chantuns. Tschertas vischnancas plazzan ultra da quai ina chascha da brevs, en la quala ins po bittar en sia cuverta da votar.
  • Votaziun sur l'internet: La votaziun electronica n'è anc betg accessibla per tuts. Differents chantuns porschan la votaziun electronica però per votaziuns federalas e chantunalas.
Il chanal da votaziun electronic

Votaziuns ed elecziuns: infurmaziuns da las vischnancas

Tgi ha il dretg da votar?
Votar per l'emprima giada