directamain tar il cuntegn

Parlament svizzer

Il parlament svizzer è la legislativa sin plaun federal cun sedia a Berna. El consista da duas chombras: dal Cussegl naziunal ed il Cussegl dals chantuns.

Co funcziuna il parlament svizzer?

Cussegl naziunal

Il Cussegl naziunal sa cumpona da 200 parlamentarias e parlamentaris. Quellas e quels represchentan las abitantas ed ils abitants da la Svizra. Pli persunas che vivan en in chantun, pli represchentantas e represchentants che quel ha en il Cussegl naziunal.

Il Parlament svizzer – Il Cussegl naziunal
Dumber da sedias en il Cussegl naziunal per chantun

Cussegl dals chantuns

Il Cussegl dals chantuns sa cumpona da 46 commembras e commembers che represchentan ils chantuns da la Svizra. Mintga chantun è represchentà cun dus commembras u commembers; ils 6 mezs chantuns han mintgamai mo in sez.

Il Parlament svizzer - Commembers Cussegl dals chantuns A–Z
Elecziuns dal Cussegl dals chantuns

Parlamentarias e parlamentaris ed elecziuns

Las 246 commembras e commembers dal Parlament federal vegnan elegids mintga 4 onns dal pievel. Els represchentan las differentas cuminanzas linguisticas, partidas, ideologias e regiuns sco er ils divers interess da la Svizra.

Il Parlament svizzer - Commembers Cussegl naziunal A–Z
Il Parlament svizzer -Commembers Cussegl dals chantuns A–Z

Tge incumbensas han las parlamentarias ed ils parlamentaris e cura sa radunan ellas ed els?

Las parlamentarias ed ils parlamentaris sa radunan regularmain durant las sessiuns, en emprima lingia per deliberar leschas federalas. Ina gronda part da las lavurs dal parlament vegn liquidada ordaifer las sessiuns en il rom da las cumissiuns parlamentaras. Questas cumissiuns han l'incumbensa da predeliberar las fatschentas che las vegnan attribuidas e da preschentar ina proposta a lur chombra.

Las incumbensas dal parlament svizzer
Il Parlament svizzer – Las sessiuns
Il Parlament svizzer – Las cumissiuns