directamain tar il cuntegn

Parlament chantunal: Co e cura vegni elegì?

Mintga chantun ha ses agen parlament che vegn elegì directamain dal pievel. Las proceduras electoralas sa differenzieschan per part fermamain d'in chantun a l'auter. Er il chalender d'elecziun è different da chantun a chantun.

Sco sin plaun federal vegnan elegids er las commembras ed ils commembers dals 26 parlaments chantunals directamain dal pievel. Il dumber da commembras e commembers dals singuls parlaments chantunals variescha. En la gronda part dals cas dependa el dal dumber d'abitantas e d'abitants. Actualmain sa chatta el tranter 50 commembras e commembers en il chantun Appenzell Dadens e 180 en il chantun Turitg.

Per regla han las elecziuns lieu mintga 4 onns, cun excepziun dals chantuns Friburg, Vad, Genevra e Giura che han in ciclus da 5 onns e da l'Appenzell Dadens, nua ch'i vegn elegì mintga onn.

Las elecziuns han per regla lieu tenor il sistem da proporz. Ils sezs vegnan pia repartids en proporziun cun il dumber da vuschs ch'ina partida ha survegnì. Il chantun Grischun percunter enconuscha l'elecziun da maiorz.

Cuntrari al parlament federal che consista da duas chombras, numnadamain il Cussegl naziunal ed il Cussegl dals chantuns, han tut ils parlaments chantunals mo ina chombra.

Parlament svizzer

Datas davart las elecziuns dals parlaments chantunals cun infurmaziuns en chaussa, tenor chantun

Karte der Schweizer Kantone