directamain tar il cuntegn

Candidar per la regenza chantunala u per il parlament chantunal ed eleger lur commembras e commembers

Tgi ch'elegia las commembras ed ils commembers da la regenza chantunala u dal parlament chantunal u tgi che candidescha per in tal sez, sto ademplir ina retscha da premissas ed observar ina procedura exacta. Quella po sa differenziar da chantun a chantun.

Tgi che ha almain 18 onns, la naziunalitad svizra e n'è betg sut curatella cumplessiva pervia d'ina inabilitad permanenta da giuditgar, po per regla candidar ed eleger las commembras ed ils commembers dal parlament chantunal e da la regenza chantunala.

Igl è chaussa dals chantuns da reglar ils detagls, las pretensiuns, las modalitads ed ils termins per ina candidatura en la constituziun ed en las leschas chantunalas. E quai tant per las Svizras ed ils Svizzers che abitan en Svizra sco er per quellas e quels che vivan a l'exteriur. En il chantun Glaruna han ins gia il dretg d'eleger a partir dal mument ch'ins ha cumplenì 16 onns.

Dastgan persunas estras sa participar a l'elecziun?

Dapi plirs onns vegni discutà, sch'ins duai pudair eleger er persunas estras sin plaun chantunal. Fin ussa n'è quai dentant betg pussaivel.

Contacts ed infurmaziuns davart la participaziun a las elecziuns chantunalas dal parlament e da la regenza tenor chantun

Karte der Schweizer Kantone