directamain tar il cuntegn

Tgi dastga suttascriver ina iniziativa federala dal pievel e co vegnan controlladas las suttascripziuns?

L'iniziativa dal pievel pussibilitescha a las burgaisas ed als burgais da gidar activamain a concepir il process politic. Cun rimnar suttascripziuns ston vegnir observadas tschertas prescripziuns.

Tgi dastga suttascriver ina iniziativa federala dal pievel?

Mintga persuna che ha il dretg da votar en Svizra dastga suttascriver ina iniziativa. Quai vala er per las Svizras ed ils Svizzers a l'exteriur.

Svizras e Svizzers che vivan a l'exteriur dastgan suttascriver iniziativas dal pievel, sch'els han almain 18 onns ed èn annunziads tar l'ambassada cumpetenta.

Dumondas frequentas (FAQ) da la Chanzlia federala

Tge prescripziuns ston vegnir resguardadas tar la suttascripziun? Premissas

Tge che rimna suttascripziuns per ina iniziativa dal pievel, sto observar precisamain tscherts criteris formals. Per exempel èsi impurtant che mo votantas e votants da la medema vischnanca suttascrivan sin la medema glista da suttascripziuns, perquai ch'i èn en emprima lingia las vischnancas che controlleschan e decleran per valaivlas las suttascripziuns. Sche tscherts puncts formals na vegnan betg resguardads, na valan las suttascripziuns betg.

Controlla da las suttascripziuns

Las suttascripziuns vegnan controlladas da duas autoritads:

  • Las vischnancas conferman la valaivladad da las suttascripziuns. Ellas controllan tranter auter, sche las persunas che han suttascrit, èn inscrittas en il register electoral e sch'ina persuna ha suttascrit pliras giadas.
  • La Chanzlia federala controlla, sche la rimnada da suttascripziuns ademplescha laspretensiuns legalas.

Iniziativas, per las qualas vegnan rimnadas suttascripziuns

Sche Vus suttascrivais ina iniziativa dal pievel, na stuais betg mo suttascriver l'iniziativa, mabain er notar a maun Voss num e Voss prenum, e quai en ina moda e maniera bain legibla. Las glistas da suttascripziun da las iniziativas, per las qualas vegnan rimnadas actualmain suttascripziuns, pudais Vus chargiar giu da l'internet (sco PDF).

Iniziativas, per las qualas vegnan rimnadas suttascripziuns