directamain tar il cuntegn

Tge è ina iniziativa chantunala dal pievel e tge ina communala?

La populaziun po lantschar sin plaun chantunal e sin plaun communal ina iniziativa dal pievel. Lur objects èn auters che sin plaun federal.

Il dretg da lantschar ina iniziativa na datti betg mo sin plaun federal, mabain er sin plaun chantunal e communal. La glista da las fatschentas, tar las qualas i po vegnir lantschada ina iniziativa dal pievel sin plaun chantunal e communal, è savens pli lunga che quella sin plaun federal. Sin plaun federal po numnadamain vegnir midada mo la Constituziun federala cun ina iniziativa dal pievel. Plirs chantuns han percunter l'iniziativa legislativa. Cun quella po vegnir pretendida l'introducziun d'ina nova lescha u la midada d'ina lescha vertenta. Ch'ina lescha vegnia midada, po vegnir pretendì mo en in pèr chantuns, e quai cun in'uschenumnada iniziativa legislativa.

Guardai la pagina d'internet da Voss chantun, sche Vus vulais savair, en tge cas e sut tge premissas che Vus pudais lantschar ina iniziativa chantunala u communala dal pievel.

Karte der Schweizer Kantone