Las autoritads svizras online

directamain tar il cuntegn

Cursas accumpagnadas per emprender d’ir cun auto - reglas

Vegliadetgna e permiss da manischar

Las cundiziuns per accumpagnar in scolar che ha in permiss d’emprender d’ir cun auto èn:

  • avair agiunt la vegliadetgna da 23 onns ed
  • avair in permiss da manischar da la categoria dal vehichel correspundent dapi almain 3 onns.

Tgi che ha in permiss temporar, na po betg accumpagnar scolaras e scolars ch’emprendan d’ir cun auto.

Per via

Sche Vus manischais, stuais vus:

  • procurar che las mesiras da segirtad e las reglas da traffic vegnian respectadas ed
  • avair access liber al frain da maun (excepziun: sin plazzas d’exercizi, cun ir enavos u sin parcadis).

Il scolar d'autoscola è responsabel per cuntravenziuns ch'el avess pudì evitar sin fundament da se stadi da scolaziun. La persuna accumpagnanta è responsabla per acts chastiabels, sch'ella cuntrafa a sia obligaziun

Alcohol e manischar

Il charrar sut l'influenza d'alcohol (≥ 0,05 mg/l concentraziun d'alcohol en il flad resp. ≥ 0,10 promils concentraziun d'alcohol en il sang) è scumandà tant per il scolar d'autoscola sco er per la persuna accumpagnanta.

Equipament da l’auto

Ina tabla blaua cun in “L” alv sto vegnir fixada bain visibla sin la fanestra davos. Ella sto vegnir allontanada, sch’i na sa tracta betg d’ina cursa accumpagnada. 

Assicuranzas

 I dastgan vegnir manischads mo vehichels a motor che han in'assicuranza da responsabladad.

Link tar "Manischar ed assicuranza"

Transports da persunas

Vus pudais en general transportar persunas. Per tscherts vehichels datti dentant restricziuns:

Cursas accumpagnadas d’ir cun auto a l’ester

Il permiss d’emprender d’ir cun auto è valabel en Svizra, ma betg a l’ester. S’infurmai p.pl. tar il consulat u tar il post da cunfin davart las reglas correspundentas.