Las autoritads svizras online

directamain tar il cuntegn

Cundiziuns generalas per l'utilisaziun

Responsabladad

La Secziun da communicaziun da la Chanzlia federala guarda cun grond quità che las infurmaziuns publitgadas sajan correctas. Tuttina na poi vegnir surpiglià nagina garanzia che questas infurmaziuns sajan correctas, exactas, actualas, fidaivlas e cumplettas. La Secziun da communicaziun sa resalva expressivamain il dretg da midar dal tuttafatg u per part, da stizzar u da prender or da la rait per in tschert temp cuntegns, e quai da tut temp e senza annunzia. Dretgs da responsabladad pervia da donns da gener material u immaterial ch'èn resultads da l'access u da l'utilisaziun resp. da la nunutilisaziun da las infurmaziuns publitgadas, da l'abus da la colliaziun u da disturbis tecnics, refusa la Secziun da communicaziun.

Dretgs d’autur: Chanzlia federala, 2013

Infurmaziuns davart las Elecziuns 2015: Chanzlia federala, Servetschs dal parlament e Uffizi federal da statistica, 2014.

Illustraziuns: Bruno Fauser, Tom Künzli

Cun chargiar giu u cun copiar cuntegns, maletgs, fotografias u autras datas na vegnan transferids nagins dretgs vi dals cuntegns. Ils dretgs d'autur areguard ils cuntegns, ils maletgs, las fotografias u autras datas sin las paginas da ch.ch èn expressivamain proprietad da la Chanzlia federala u da las titularas u dals titulars dal dretg menziunads explicitamain. Per la reproducziun da datas dovri ordavant il consentiment en scrit da las titularas e dals titulars dals dretgs d'autur.

 

Protecziun da datas

Sa basond sin l'artitgel 13 da la Constituziun federala e sin las leschas davart la protecziun da datas ha mintga persuna il dretg da la protecziun da sia sfera privata sco er il dretg da la protecziun cunter l'abus da sias datas persunalas. La Secziun da communicaziun observa strictamain questas disposiziuns.

Las datas persunalas vegnan tractadas dal tuttafatg confidenzialmain e na vegnan ni vendidas ni dadas vinavant a terzas persunas. En stretga collavuraziun cun noss hosting-providers ans stentain nus da proteger uschè bain sco pussaivel e cun tut ils meds las bancas da datas cunter intrusiuns externas, cunter perditas, cunter abus u cunter sfalsificaziuns. Tar l'access sin nossa pagina d'internet na vegnan arcunadas naginas datas persunalas.

Per pudair meglierar nossa purschida faschain nus in’analisa dal web. Perquai utilisain nus in eTracker. Quest servetsch da la firma hamburgaisa cun il medem num elavurescha sin noss’incumbensa las datas necessarias. I na vegnan betg utilisadas datas per in’auter intent u dadas vinavant ad ina terza persuna. 

Per preschentar las adressas da las autoritads sin chartas da web utilisain nus Google Maps. Sch’ina pagina d’internet vegn visualisada cun questas chartas, vegnan las datas transmessas a Google, dentant betg las datas persunalas. La transmissiun da datas a Google po vegnir bloccada cun extender las funcziunalitads dal navigatur. Las indicaziuns da protecziun da datas da Google chattais Vus qua:

https://www.google.com/intl/de_ch/policies/privacy/

Renviaments e links a paginas d'internet da terzas persunas na tutgan betg en il sectur da responsabladad da las autoritads federalas. L'access e l'utilisaziun da talas paginas d'internet vegnan fatgs sin agen ristg da l'utilisadra u da l'utilisader. La Secziun da communicaziun declera expressivamain ch'ella n'haja nagina influenza sin la concepziun, sin il cuntegn e sin las purschidas da las paginas d'internet ch'èn accessiblas tras in link. Las infurmaziuns ed ils servetschs da questas paginas d'internet stattan cumplainamain en la responsabladad da las terzas persunas respectivas. Las autoritads federalas refusan tutta responsabladad per talas paginas d'internet.