Las autoritads svizras online

directamain tar il cuntegn

Congedi da paternitad

Entant ch'il congedi da maternitad per mammas che lavuran è francà en ina lescha federala, n'è il dretg d'in congedi da paternitad betg reglà en ina lescha. En la pratica han ils babs dentant intginas pussaivladads dad esser preschents a chasa suenter la naschientscha da lur uffants.

En l'economia privata sto il patrun conceder a ses lavurant las "uras ed ils dis libers usitads" per eveniments famigliars. Sco lavurant pudais Vus pretender da Voss patrun 1 fin 2 dis libers suenter la naschientscha da Voss uffant. Quests detagls èn reglads en il contract da lavur.

Adina dapli patruns dal sectur public e privat porschan als babs vegnints la pussaivladad da retrair in congedi da paternitad suenter la naschientscha da lur uffants. Dumandai Voss patrun, sche Vus vulessas savair, sche Vossa interpresa porscha questa pussaivladad e co ch'il congedi da paternitad è reglà.

Datti in congedi da paternitad pajà? – Uffizi federal d'assicuranzas socialas

Dossier davart l'iniziativa parlamentara – Curia Vista