Las autoritads svizras online

directamain tar il cuntegn

Cannabis: Tge vala en Svizra?

Il consum da cannabis (chonv) è da princip scumandà en Svizra. En negozis e sin fieras vegnan vendids adina pli blers products da chonv. Tge vala uss propi en Svizra?

Cannabis è ina planta da chonv. Chonv tutga tar las plantas utilas e decorativas las pli veglias dal mund.

Chonv cuntegna bleras substanzas activas. Las pli enconuschentas èn il tetraidrocannabinol (THC) ed il cannabidiol (CBD).

THC ha in effect enivrant. Per quest motiv vala cannabis sco narcotic scumandà. CBD n’è betg enivrant. A questa substanza activa vegnan attribuids effects calmants, mitigiants ed anticonvulsivs.

I dat spezias da chonv che cuntegnan mo pitschnas quantitads da THC. Questas spezias na valan betg sco narcotics scumandads en Svizra. Però sulettamain, sch’ellas cuntegnan damain che 1 pertschient THC.

Scumond da consumar cannabis

Il pli enconuschent è cannabis ozendi sco med enivrant. Cun el vegn martgadà sco erva u sco haschisch en differentas furmas. Posseder e consumar cannabis en questas furmas è scumandà en Svizra.

Bundesamt für Gesundheit: Cannabis

Persunas creschidas maiorennas vegnan chastiadas cun ina multa disciplinara da 100 francs, sch’ellas vegnan trapladas. Il possess fin a 10 grams n’è betg chastiabel. Il chasti per uffants e giuvenils sut 18 onns vegn giuditgà tenor il Dretg penal per giuvenils.

Lescha federala davart ils narcotics e las substanzas psicotropas. Art. 19

10 grams d’in narcotic dal tip da cannabis valan sco pitschna quantitad.

Pitschna quantitad
Multa disciplinara

Per l’effect enivrant da cannabis è responsabel il tetraidrocannabinol (THC). Products da plantas da chonv che cuntegnan fitg pauc THC (damain che 1 pertschient), pon vegnir vendids e cumprads en moda legala.

Prescripziuns per il commerzi

Per la producziun e per la vendita da products cun chonv legals èn da resguardar bleras prescripziuns. L’Uffizi federal da sanadad publica, l’Uffizi federal d’agricultura, l’Uffizi federal da segirezza alimentara e fatgs veterinars sco er Swissmedic han elavurà in fegl d’infurmaziun.

Produkte mit Cannabidiol (CBD): Überblick und Vollzugshilfe (PDF)

Cannabis en la medischina

Cannabis ha effects mitigiants ed anticonvulsivs. Per medicaments cun substanzas activas da cannabis dovri ina permissiun. En Svizra è actualmain permess in product

L’Uffizi federal da sanadad publica (UFSP) po conceder permissiuns excepziunalas per il diever medicinal da narcotics scumandads.

Mo las medias ed ils medis pon inoltrar ina dumonda. Las pazientas ed ils pazients ston esser d’accord.

Produkte mit Cannabidiol (CBD): Überblick und Vollzugshilfe (PDF)

Dumondas e respostas

Dastg jau cultivar chonv sin il balcun?

La cultivaziun privata da chonv è permess. I sto dentant sa tractar d’ina spezia senza effect enivrant. La valur da THC sto importar damain che 1 pertschient.

Dastg jau vender products da chonv sin nossa fiera da quartier?

Dastg jau importar en Svizra products da cannabis legals cumprads a l’exteriur?

Products che derivan da cannabis legal (q.v.d. cun ina concentraziun da THC sut 1 %) pon vegnir importads en Svizra. Las cundiziuns d’import sa differenzieschan tut tenor la categoria dal product (flurs, sems, extracts, ielis, victualias, products cosmetics e.u.v.). Ultra da quai dependi, sch’i sa tracta d’in import privat u d’in import commerzial.

Infurmaziuns pli detagliadas davart l’import retschavais Vus da l’Administraziun federala da duana AFD (www.ezv.admin.ch). 

Dastg jau ir cun auto suenter il consum da cannabis legal?

Er chonv legal cuntegna fastizs da THC. En il traffic sin via vala la toleranza nulla per narcotics. Il consum da tals products po perquai chaschunar in surpassament da la limita dal sang per THC en il traffic sin via. La persuna vala sco inabla da manischar. Ella na dastga betg manischar in vehichel. Per quest motiv vegni scusseglià dad ir cun auto suenter il consum da cigarettas da chonv u d’auters products da chonv.

Dastg jau exportar cannabis legal a l’exteriur?

Las prescripziuns davart l’import da cannabis legal sa differenzieschan da pajais a pajais. As infurmai per plaschair directamain tar las autoritads dals pajais pertutgads.