Las autoritads svizras online

directamain tar il cuntegn

Annullar ina scussiun: Co stoss jau proceder?

Vus essas da l’avis che la scussiun è stada nungiustifitgada. Vus avais fatg opposiziun e la creditura u il creditur n’ha betg cuntinuà cun la procedura suenter la scussiun. Ultra da quai èn passads 3 mais dapi la consegna da l’avis da pajament:

  • Vus pudais far ina dumonda a l’uffizi da scussiun da Voss domicil e pretender che la scussiun na cumparia betg pli en l’extract dal register da scussiun. La dumonda custa 40.– francs. Vus chattais il formular correspundent qua sutvart.

Vus avais pajà l’import debità ubain As essas cunvegnì en in’autra moda cun la creditura u cun il creditur:

  • Vus pudais pretender da la creditura u dal creditur ina decleraziun, en la quala ella ni el revochescha la scussiun. Questa decleraziun è facultativa e sto vegnir tramessa a l’uffizi da scussiun cumpetent.

Ina dumonda n’è betg pussaivla (p.ex. perquai ch’i n’è betg vegnì fatg opposiziun) e la creditura u il creditur n’è betg d’accord cun la revocaziun:

  • La scussiun cumpara durant 5 onns en l’extract dal register da scussiun. Sche Vus vulais laschar annullar ina scussiun avant la scadenza da quest termin, As stuais Vus drizzar a la dretgira ch’è cumpetenta per la scussiun e cumprovar en ina procedura civila ch’il debit n’ha mai existì u che Vus n’avais betg pudì purtar plant cunter tal, cura che l’avis da pajament è vegnì emess.

Glista dals uffizis da scussiun

Formular (auf deutsch) - Gesuch um Nichtbekanntgabe einer Betreibung an Dritte
Format:
PDF
Grondezza:
26 kb
Actualisà: