Desditga dal contract da locaziun e dretgs dal locatari

Tschertga

Al cuntegn
Siglia al cuntegn da la pagina Siglia a la navigaziun Siglia a la tscherna da la lingua Siglia a la tscherna da la lingua Respostas simplas davart la vita en Svizra
rm
Midar la lingua
Loading...
    Respostas simplas davart la vita en Svizra
    • Tut ils temas
    • Abitar
    • Locaziun
    • Disditga dal contract da locaziun
    • Disditga dal contract da locaziun tras il locatur
    Tut ils temas
    Abitar
    Locaziun
    Disditga dal contract da locaziun
    Disditga dal contract da locaziun tras il locatur

    Disditga dal contract da locaziun tras il locatur

    Tant ils locataris sco er ils locaturs pon disdir in contract da locaziun. En quest connex ston vegnir observads ils termins da disditga legals ubain fixads en il contract. La lescha protegia ils locataris cunter ina disditga abusiva. Plinavant ston ils locaturs observar tschertas furmas da disditga e motivar la disditga sin giavisch dals locataris.

    Tut ils temas

    Il locatur sto communitgar als locataris la disditga cun in formular approvà dal chantun. En quest connex ston vegnir observads ils termins ch'èn fixads en la lescha u en il contract. Per abitaziuns importa il termin da disditga almain trais mais.

    Il locatari ha il dretg da vegnir a savair il motiv da la disditga. Disditgas che cuntrafan a la buna fai (p.ex. ina disditga perquai ch'il locatari fa valair ses dretgs da locatari; ina disditga perquai che las relaziuns famigliaras dal locatari sa midan) pon vegnir contestadas tar l'autoritad da mediaziun. Il formular da disditga approvà uffizialmain cuntegna las infurmaziuns necessarias davart il proceder ch'il locatari sto instradar per contestar la disditga.

    Sch'ina disditga ha per consequenza ina situaziun precara per ils locataris (problems finanzials u famigliars, mancanza d'abitaziuns), poi vegnir dumandà tar l'autoritad da mediaziun da prolungar la relaziun da locaziun.

    Da princip ha in sutlocatari la medema protecziun cunter ina disditga sco tut ils locataris. Sch'il proprietari disdi al locatari principal, po mo quest ultim contestar la disditga sco abusiva.

    Autoritad chantunala da mediaziun (infurmaziuns, cussegliaziun, models)

    L'autoritad da mediaziun infurmescha e cusseglia tant ils locataris sco er ils locaturs. Tar l'autoritad da mediaziun pon vegnir retratgs ils formulars necessaris.

    Associaziuns da locataris resp. da locaturs

    Er las associaziuns da locataris resp. da locaturs sustegnan las dumondas ed ils interess dals locataris resp. dals locaturs en connex cun la disditga.

    In servetsch da la Confederaziun, dals chantuns e da las vischnancas

    Davart ch.ch Contact
    Link Youtube Link Twitter
    Infurmaziuns giuridicas
    Tut ils temas
    In servetsch da la Confederaziun, dals chantuns e da las vischnancas
    Davart ch.ch Contact
    Link Youtube Link Twitter
    Infurmaziuns giuridicas
    Link Youtube Link Twitter